وەزارەتی دارایی هەرێم دەڵێت، لە رۆژانی پشوودا دابەشكردنی مووچە بەردەوام دەبێت.
وەزارەتی دارایی و ئابوری رایگەیاند، لە رۆژانی پشووی ئەم هەفتەیەدا پرۆسەی دابەشکردنی مووچەی فەرمانبەران بەپێی خشتەی راگەیەنراو بەردەوام دەبێت.
پێشتر جوتیار عادل، وتەبێژی حکومەتی هەرێم رایگەیاند، بۆ ماوەی سێ رۆژ (7 و 8 و 9ی شوبات) لە هەموو دامودەزگاکانی هەرێمی کوردستان بە ناوەندەکانی خوێندنی حکومی و ناحکومیی هەردوو وەزارەتی پەروەردە و خوێندنی باڵا پشووی فەرمی دەبێت.
ئەوەشی وت، پڕۆسەی دابەشکردنی مووچە لە رۆژانی پشوو بەردەوام دەبێت.
