بڕیارە لە سبەینێ-ەوە دابەشكردنی مووچەی مانگی كانونی دووەمی فەرمانبەرانی هەرێم دەستپێبكات، دواكەوتنی دابەشكردنەكەی لەكاتێكدایە داهاتی حكومەتی هەرێم زیادیكردووە.
بڕیارە سبەینێ بە وەزارەتی تەندروستی، دابەشكردنی مووچەی مانگی رابردووی فەرمانبەر و مووچەخۆرانی هەرێم دەستپێبكات.
سەرچاوەیەك لە وەزارەتی دارایی و ئابوری بە تۆڕی میدیایی ئێستای راگەیاند، لەكاتێكی دواتری ئەمڕۆدا خشتەی دابەشكردنی مووچەی سەرجەم وەزارەتەكان بڵاودەكرێتەوە. (كاتژمێر 11:20 خولەكی پێش نیوەڕۆی ئەمڕۆ لیستەكە لەلایەن وەزارەتی داراییەوە بڵاوكرایەوە، لە خوارەوە دانراوە)
ئەوەشی وت، “ریزبەندی دابەشكردنەكە هاوشێوەی مانگەكانی پێشوو دەبێت و تائێستا گۆڕانكاریی تیادا نەكراوە”.
دواكەوتنی دابەشكردنی مووچە لەكاتێكدایە داهاتی حكومەتی هەرێم بەهۆی بەرزبوونەوەی نرخی دۆلارەوە دەیان ملیار زیادیكردووە.
