وەزارەتی گواستنەوەی عێراق دەیەوێت زیاتر لە 400 بارهەڵگر و تانكەر بكڕێت و ئاشكراشیدەكات، كۆمپانیای (مان)ی ئەڵمانی لقێكی خۆی لە عێراقدا دەكاتەوە.
نوسینگەی راگەیاندنی وەزارەكە ئاشكرایكرد، كۆمپانیای گشتی گواستنەوەی وشكانی كە یەكێكە لە پێكهاتەكانی وەزارەتی گواستنەوە پلانێكی بۆ پەرەپێدان پێشكەشكردووە و داوای كڕینی 100 بارهەڵگری لە بودجەی ئەمساڵدا كردووە.
بۆ چارەسەری خێرا و كەمكردنەوەی كات لە جێبەجێكردنیدا ئەنجومەنی كارگێڕیی كۆمپانیا بڕیاریدا بە كڕینی 30 سەرە ترێلە لە بودجەی بەكاربردن، هەروەك پێشنیارێكی پێشكەشی راوێژكاریی هونەریی سەرۆك وەزیران كردووە بۆ كڕینی 100 تەنكەر و 200 بارهەڵگری جۆری (مان) لە لقی كۆمپانیاكە كە بڕیارە لە عێراق بكرێتەوە.
