بەڕێوەبەرایەتیی پۆلیسی سلێمانی دەستگیركردنی سێ كەسی بە تۆمەتی دزینی 100 مۆبایل لەناو شاری سلێمانی راگەیاند.
بەپێی راگەیەندراوێكی بەڕێوەبەرایەتیی پۆلیسی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سێ تۆمەتبار دەستگیركران و دەستگیرا بەسەر سێ پارچە چەك و ژمارەیەك بڕەر و بۆكس خەنجەردا.
لە راگەیەندراوەكەدا هاتووە، لە درێژەی هەڵمەتە بەردەوامەكانی هێزەكانی پۆلیس توانرا لەلایەن بەشی پۆلیسی نەهێشتنی تاوانی سلێمانییەوە سێ تۆمەتبار دەستگیربكرێن و دەستیشبگیرێت بەسەر سێ پارچە چەك و ئۆتۆمبێلێكدا كە فەرمانی گرتنی هەبووە
ئاماژە بۆ ئەوەش كراوە، ئەو سێ تۆمەتبارە فەرمانی گرتنیان هەبووە بە تۆمەتی دزینی زیاتر لە 100 مۆبایل لەناو بازاڕی شاری سلێمانی
