فیدراسیۆنی تۆپی پێی ئاسیا بە فەرمی بڕیاریدا مافەکانی ڕێکخستنی جامی ئاسیای 2027 بە سعوودیە ببەخشێت.
دوای کشانەوەی سەرجەم ئەو وڵاتانەی داوای بەدەستهێنانی مافی ڕێکخستنی جامی ئاسیای 2027یان کردبوو، فیدراسیۆنی تۆپی پێی کیشوەرەکە لە دوایین کۆبوونەوەی ساڵانەیدا بڕیاریدا ئەو مافە بە سعوودیە ببەخشێت، کە وەک تاکە داواکار لەنێو دۆسیەکەدا ماوەتەوە.
✨ 𝐎𝐅𝐅𝐈𝐂𝐈𝐀𝐋 ✨
🇸🇦 Saudi Arabia will host the #AsianCup2027! ✅
Asia’s most prestigious tournament is set to be held in Saudi Arabia for the first-time ever! pic.twitter.com/trr7Kw6F9C
— #AsianCup2023 (@afcasiancup) February 1, 2023
حکومەتی شانشینی سعوودیە هەمان هەنگاوەکانی وڵاتی قەتەر دەنێت، سەرەتا بە سازکردنی جامی ئاسیای 27 دەست بە هەوڵەکانی بۆ ڕاکێشانی سەرنجی سێکتەری وەرزشیی جیهانیی دەدات.
زۆرینەی سەرچاوەکان پێیانوایە، وڵاتە عەرەبییەکە لە داهاتوویەکی نزیکدا داوای مافەکانی سازکردنی مۆندیالی 2030 دەکات، بۆ ئەم مەبەستەش لەگەڵ وڵاتانی کیشوەری ئەوروپاوە دەکەوێتە کێبڕکێیەکی بەهێزەوە.
