ژنێکی تەمەن 35 ساڵ لەلایەن هاوسەری پێشوویەوە کە ماوەی سێ ساڵە لێی جیابووەتەوە، ئەمڕۆ کوژرا.
بەپێی راگەیەندراوی رێکخراوی هەنگاو بۆ مافەکانی مرۆڤ، ژنەکە خەڵکی گوندی “زێویە”ی سەر بە شاری کامێرانە و دایکی دوو منداڵە.
ژنە کوژراوەکە ناوی “ڕزوان نەدیمی”یە و لەلایەن هاوسەری پێشوویەوە کە ناوی عادڵ فەرەجوڵڵاهییە، کوژراوە.
رێکخراوەکە ئاماژەی بۆ ئەوە کردووە، ئەو ژنە ماوەی سێ ساڵە لە هاوسەرەکەی جیابووەتەوە و ئەمڕۆ بە چەکی دەمانچە کوشتوویەتی، دوای ئەنجامدانی تاوانەکە هەڵاتووە و تا ئێستا دەستگیرنەکراوە.
ئەمە لەکاتێکدایە بەپێی ئاماری رێکراوەکە تەنها لەم هەفتەیەدا سێ ژن لە شارەکانی، کرماشان، کامێران و سنە لەلایەن کەسە نزیکەکانیانەوە کوژراون.
