بە بڕیاری وەزارەتی گواستنەوە و گەیاندن، سبەینێ چوارشەممە ئینتەرنێت بە نرخی پاڵپشتیكراو دەخرێتەكار.
بەپێی بڕیارەكە، مانگانە 100 گێگابایت ئینتەرنێت بە 15 هەزار دینار بۆ هاوڵاتییانی كەمدەرامەت دابیندەكرێت و كۆمپانیا و بریكارەكانی دابینكردنی خزمەتگوزاریی ئینتەرنێت بە پەیڕەوكردنی سیستمە نوێیەكە پابەندكراون.
لە راگەیەندراوێكدا وەزارەتی گواستنەوە و گەیاندنی عێراق دەڵێت، 100 گێگابایت ئینتەرنێت بە 12 هەزار دینار دەدەن بە بریكارەكان و مەرجە ئەوانیش بە 15 هەزار دینار بیگەیەنن بە هاوڵاتییانی كەمدەرامەت.
وەزارەتی گواستنەوە داوا لە هاوڵاتییان دەكات هەر بریكارێك پابەندی بڕیارەكان نەبوو، لە رێگەی پەیوەندیی تەلەفۆنییەوە ئاگاداریانبكەنەوە.
