وەزارەتی پلاندانانی عێراق رایگەیاند، بەپێی دەزگای ناوەندیی ئامار هەڵاوسانی لە مانگی کۆتایی ساڵی 2022دا بەڕێژەی %0.3 بەرزبووەتەوە بەراورد بە مانگەکانی پێشووتر.
عەبدولزەهرا هینداوی وتەبێژی فەرمیی وەزارەتی پلاندانانی عێراق رایگەیاند، لە مانگی کانونی یەکەمی ساڵی 2022دا هەڵاوسان لە عێراق بەڕێژەی %0.3 بەراورد بە مانگەکانی پێشووی ساڵ بەرزبووەتەوە.
ئاماژەی بەوەشکردووە، ئەو بەرزبوونەوەیە کاریگەریی کردووەتە سەر بەرزبوونەوەی نرخی بەشی کەلوپەلی کاتبەسەربردن بەڕێژەی %2.4، بەشی کاڵا خزمەتگوزارییەکان بەڕێژەی %2، هەروەها بەشی گواستنەوە بەڕێژەی %1.5.
راشیگەیاندووە کە “رێژەی هەڵاوسانی ساڵانە لە ماوەی ساڵی 2022دا بە ڕێژەی (4.9%) بەرزبوونەوەی تۆمارکردووە”.
