دادگای لێكۆڵینەوەكانی كەرخ لە بەغداد دەڵێت، 400 ملیار دینار لەو پارانەی دزرابوون گەڕێندرانەوە بۆ حكومەت.
پارەكان بەشێكن لەو پارانەی لە دۆسیەی ناسراو بە “دزیی سەدە” براون و نور زوهێر تۆمەتباری سەرەكیی دۆسیەكە بوو كە دوای دەستگیركردنی لە ماوەی رابردوودا، بە كەفالەت و بە مەرجی گەڕاندنەوەی پارەكان ئازادكرا.
كۆی گشتیی ئەو پارانەی لە ئەستۆی زوهێر-دان، یەك تریلیۆن و 600 ملیار دینارە، ئەمڕۆ پێنجشەممە زیا جەعفەر دادوەری دادگای لێكۆڵینەوەكانی كەرخ ئاشكرایكرد، ناوبراو تا ئێستا 400 ملیار دیناری لەو پارانەی لە تۆمەتباران و بكەرانی تاوانی گەندەڵیی دارایی وەرگرتووە، گەڕاندووەتەوە بۆ خەزێنەی دەوڵەت.
راشیگەیاند، تۆمەتبار هەیسەم جبوری جێگری پێشووتری سەرۆكی ئەنجومەنی نوێنەران، تا ئێستا نۆ ملیار دیناری لە كۆی 17 ملیار دیناری دزراو گەڕاندووەتەوە.
