لە شاری کەربەلا خانوویەک رووخا کە خێزانێکی پێنج کەسی تێدابووە و لەلایەن تیمەکانی بەرگریی شارستانییەوە دەرهێنراون و رزگارکراون.
بەڕێوەبەرایەتیی بەرگریی شارستانیی کەربەلا رایگەیاند، “لە ناحیەی ئەلحەر لە پارێزگای کەربەلا تیمەکانی بەرگریی شارستانی سەرکەوتووبوون لە رزگارکردنی خێزانێک کە ژن و منداڵی تێدابووە، کە بەهۆی رووخانی خانووەکەیانەوە کەتبوونە ژێر داروپەردووەوە.
ئاماژەی بەوەشکرد، “تیمەکانی بەرگریی شارستانی توانیویانە ئەو خێزانە رزگاربکەن پێشئەوەی لەژێر داروپەردوودا بخنکێن، دوای دەرهێنانیان رەوانەی نەخۆشخانە کراون.
بەپێی راگەیەندراوەکە، هۆکاری رووداوەکە بۆ کۆنی و نەشیاویی خانووەکە دەگەڕێتەوە بۆیە دارووخاوە.
