بەڕێوەبەرایەتیی گشتیی سەرچاوەكانی ئاوی هەرێم رایدەگەیەنێت، پڕۆژەی دروستكردنی پۆندی تارین بە گوژمەی 640 ملیۆن دینار لە قۆناغی جێبەجێكردندایە كە بە تەواوكردنی دەبێتە هۆی زیادبوونی ئاوی ژێرزەوی لەو سنوورەكە.
بەپێی راگەیەندراوێكی بەڕێوەبەرایەتیی گشتیی سەرچاوەكانی ئاوی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە پڕۆژەی دروستكردنی پۆندی تارین لە ناحیەی كەسنەزان بە گوژمەكەی 640 ملیۆن دینارە و ماوەی تەواوكردنیشی 360 ڕۆژە.
لە راگەیەندراوەكەدا هاتووە، ئەم پڕۆژەیە ئاوی باران و لافاو كۆدەكاتەوە و دەبێتە هۆی زیادكردنی ئاوی ژێرزەوی، ئەمە جگە لەوەی كە سوودێكی زۆری بۆ كشتوكاڵ و ئاژەڵداری ناوچەكە دەبێت.
