راوێژكاری سەرۆك وەزیرانی عێراق دەڵێت، قەرزەكانی حكومەت لە 70 ملیار دۆلار نزیكبوونەتەوە و 63ـیان لای بانكی ناوەندین.
موزهر محەمەد ساڵح راوێژكاری سەرۆك وەزیرانی عێراق بۆ كاروباری دارایی رایگەیاند، قەرزی گشتیی ناوخۆیی وڵات نزیكەی 50 ملیار دۆلارە و لای بانكی ناوەندییە، واتە قەرزەكە حكومییە و لە ناوخۆی حكومەتدایە نەك لە دەرەوەی دامەزراوەی میری.
لەبارەی قەرزە دەرەكییەكانەوە راوێژكارەكەی سەرۆك وەزیران ئاشكرایكرد، كەمتر لە 20 ملیار دۆلار قەرزی دەرەكی لەسەر عێراق ماوە و بەوەش كۆی قەرزی گشتی نزیكەی 70 ملیار دۆلارە.
بەپێی وتەی موزهر محەمەد ساڵح، “كۆی قەرزەكانی عێراق بە ناوخۆیی و دەرەكییەوە تەنها 30 – 35%ـی بەرهەمی ناوخۆ پێكدەهێنن و ئەوەش بەپێی پێوەرە نێودەوڵەتییەكان رێژەیەكی زۆر ئاسایی و سەلامەتە”.
