بەڕێوەبەرایەتیی پۆلیسی هەولێر رایگەیاند، بەشی پۆلیسی قەزای دەشتی ھەولێر بنكەی پۆلیسی كەسنەزان، بە هەماهەنگیی بەشی پۆلیسی فریاكەوتنی هەولێر، لە گەڕەكی كەمئەندامان لە دووسایدی كەسنەزان، تۆمەتبارێكیان دەستگیركرد، كە لە كۆڵانی خۆیان بە شێوەیەكی هەڕەمەكی تەقەی كردبوو.
لە راگەیەندراوەكەدا هاتووە، تۆمەتباری ئاماژەپێكراو، لە كاتی دەستگیركردنیدا دەست بەسەر چەكێكی جۆری كلاشینكۆف و پێنج مەخزەن و 92 فیشەك گیراوە، پەڕاوی لێكۆڵینەوە بۆ تۆمەتبار ڕێكخرا و ڕەوانەی دادگا كرا.
