هەوڵەكانی بافڵ جەلال تاڵەبانی لەپێناو یەكڕیزی و سەقامگیری بەرزنرخێندرا

مامۆستایانی ئایينیی هەولێر هەوڵەكانی بافڵ جەلال تاڵەبانی لەپێناو یەكڕیزی و سەقامگیری بەرزدەنرخێنن.

بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە سلێمانی پێشوازی لە هەریەک لە مامۆستایانی ئایينی مەلا شێخ مەزهەر خوراسانی، حەکیم روستایی، سابیر گرتکی و عوبێد جاوەکە کرد.

لە دیدارێکدا کە فەیسەڵ کەریم خان برادۆستی، ئەندامی سەرکردایەتی ئامادەيبوو، بافڵ جەلال تاڵەبانی ئاماژەی بە رۆڵی مامۆستا و زانایانی ئایينی کرد لە قوڵکردنەوەی گیانی تەبایی و پێکەوەژیان لەناو کۆمەڵگەدا و رایگەیاند، لە مێژووی کوردستاندا مامۆستایانی ئایينی رۆڵێکی گرنگیان لە پەرەپێدانی گیانی تەبایی و برایەتیدا بینیووە. بەشداریی گرنگیان هەبووە لە رەتکردنەوەی بیری توندڕەوی و چەسپاندنی رۆحی چاکەخوازیدا، بۆیە هیوادارین بە هەمان رۆحیەتەوە لەو پێناوەدا بەردەوامبن و سیماکانی تەبایی و پێکەوەژیان لە کوردستانە خۆشەویستەکەمان گەشتر بکەن.

مامۆستا شێخ مەزهەر خوراسانی ستایشی هەوڵەکانی سەرۆکى یەکێتی کرد لە بەرامبەر هەنگاوەکانی بۆ یەکڕیزيی ناو ماڵی کورد و یەکخستنی هەوڵەکان لەپێناو سەقامگیریی کوردستاندا. وتیشی، هەنگاوەکەی سەرۆک بافڵ بۆ داخستنی ئەو شوێنانەی دوورن لە ئاین، ئاکار و رەوشتی بەرزی کۆمەڵگەی کوردییەوە جێگەی دەستخۆشییە و هەنگاوێکی گرنگە بە ئاڕاستەی پاراستنی بەها بەرزەکانی کوردەواری.

داواشیکرد، یەکێتی وەک هەمیشە لە سەنگەری بەرگریکردن لە مافەکانی خەڵک بەردەوامبێت و بەردەوامی بەو هەنگاوە نیشتمانییانە بدات کە لەپێناو دەستەبەرکردنی ژیانێکی شایستە بۆ خەڵک و چاکەی گشتیدا گرتوویەتيەبەر.

 

 

بابەتی پێشتر

قەڵادزێ .. كەبابخانەیەك داخرا

بابەتی دواتر

شارەوانیی سلێمانی هەڵمەتێكی فراوانی ئەنجامدا

بابەتی پەیوەندیدار
زیاتر ببینە

گەرمیان.. پێدانی پاسپۆرت راگیرا

نووسینگەی پاسپۆرتی گەرمیانی سەربە بەڕێوەبەرایەتی پاسپۆرتی پارێزگای سلێمانی هاوڵاتییانی سنوورەكە ئاگادار دەكاتەوە كە لە سبەی چوارشەمەوە پێدانی پاسپۆرت…
Total
0
Share