دەزگای گشتیی کاروباری مین بڵاویکردەوە، لە ساڵی 2022 لە سەرجەم ناوچەکانی هەرێمی کوردستان بەهۆی تەقینەوەی مینەوە حەوت کەس گیانیان لەدەستداوە و 24 کەسیش برینداربوون.
دەزگای گشتی کاروباری مین ئەمڕۆ چوارشەممە بڵاویکردەوە، “لە ساڵی 2022 لە سنووری پارێزگای هەولێر 211 هەزار و 611 مەتر دووجا و لە سنووری پارێزگای سلێمانی 198هەزار و 632 مەتر دووجا و لە
سنووری پارێزگای دهۆک 221 هەزار و 947 مەتر دووجا و لە سنووری گەرمیان 104 هەزار و پێنج مەتر دووجا رووبەری زەویی لە کێڵگە مینەکان پاککراونەتەوە”.
ئاماژەی بەوەش کرد، “لە هەمان ساڵدا بەهۆی تەقینەوەی مینەوە حەوت کەس گیانیان لەدەستداوە و 24 کەسیش برینداربوون کە زۆرترینیان لە سنووری سلێمانی بوون”.
