بەڕێوەبەرایەتیی هاتوچۆی هەرێمی کوردستان ئاماری ساڵی رابردووی رووداوەکەنای هاتوچۆی بڵاوکردەوە بەپێی ئامارەکە لە ساڵی 2022دا زیاتر لە سێ هەزار و 700 رووداوی هاتوچۆ روویانداوە و بەهۆیەوە 445 کەس گیانیان لەدەستداوە.
بەپێی ئاماری بەڕێوەبەرایەتیی هاتوچۆی هەرێمی کوردستان 3706 رووداوی هاتوچۆ لە جۆرەکانی وەرگەڕان، پێکدادان و شێلان روویانداوە.
لە ئەنجامی سەرجەم رووداوەکاندا 445 کەس گیانیان لەدەستداوە کە 78یان لە رەگەزی مێ و 367یان لە رەگەزی نێر بوون.
هەروەها حەوت هەزار و 225 کەسیش برینداربوون و هەزار و 586 کەسیان مێ بوون و پێنج هەزار و 639 کەسیشیان لە رەگەزی نێر بوون.
لە کۆی گشتیی رووداوەکان 444 رووداویان تەنها بەهۆی ماتۆڕسکیلەوە روویانداوە.
ئەمە لە کاتێکدایە کۆی گشتیی رووداوەکانی هاتوچۆ لە ساڵی 2021دا چوار هەزار و 120 رووداوی هاتوچۆ روویانداوە، بەمەش بەراورد بە ساڵی 2021 رووداوەکانی هاتوچۆ لە 2022دا 414رووداو کەمی کردووە.
