نووسەر و شاعیری كورد قوبادی جەلی زادە رایدەگەیەنێت، لە ئێوارە شیعری برای بەڕێز محەمەد پاكژ كە لە هۆڵی خاك، لەگەڵ پارێزگاری سلێمانی چاومان بەیەك كەوت و بەدڵێكی پاك و بێگەرد باوەشمان بەیەكتردا كرد و رایگەیاند، “نووسینەكەتم خوێندەوە دەستخۆش، حەزم نەكرد هیچ ڕوونكردنەوەیەك بنووسم”.
دەشڵێت، پارێزگاری سلێمانی رایگەیاندووە، “ئەو بەشەی كە پەیوەندی بەمنەوە هەیە كە گوایە لە كردنەوەی ئاهەنگەكە و كاتێك بە تەنیشت سەرۆك وەزیرانی عێراقەوە وەستاوم دەركەوتنم گوایە لە بەسڕە كە وەستاوم، گریاوم، دوورە لە راستییەوە، ئەگەر لە شاشەی تەلەفزیۆنەكانیشدا وا دەركەوتبم كە چاوم فرمێسسكی تێزابێت، ئەوە هی رووناكی كامێراكان بووە”.
( حاكمی كۆو مامۆستای خۆشەویستم، مرۆڤە بەرزو جوان و هەستیارە بەسۆزەكە؛
نەپێكەنیم، نەگریاوم،من ڕاماوم، دۆشداماوم،، لە دڵسۆزی خەڵكی ئەم وڵاتەو،بێباكی دەسەڵاتدارانی،لەخۆشەویستی ئەو خەڵكەو، بوغزی ڕقی گەورەكانی..، من تیاماوم، نەگریاوم، بەئاڵای كوردستانی سەر دڵمەوە بەدیار قوڕنەوە، بۆ شەپۆلەكانی دەچڵە(دیجلە) ڕاوەستاوم.
هەربژیت و هەرهەبیت)
دڵسۆزتان
د. هەڤاڵ ئەبوبەكر
