رووداوێكی هاتوچۆ لەسەر رێگەی هەولێر – کۆیە روویدا و بەهۆیەوە ژنێك و پیاوێك كە هاوسەری یەكدین گیانیان لەدەستدا.
رووداوەكە لە جۆری پێكدادان بووە و لە نێوان ئۆتۆمبێلێكی تایبەت و بارهەڵگرێكدا لە نزیک یەكتربڕی دەربەند روویداوە، لە ئەنجامدا شوفێر و سەرنشینی ئۆتۆمبێلە تایبەتەكە کە هاوسەری یەکتر بوون گیانیان لەدەستداوە.
سەرباری زیانی گیانی، رووداوەكەی هاتوچۆ زیانێکی زۆری ماددیی لێکەوتووەتەوە و ئۆتۆمبێلە تایبەتەكە بە تەواوەتی تێكشكاوە.
