لە كاتی كاركردن و راپەڕاندنی ئەركەكانیدا، فەرمانبەرێکی چاککردنەوەی کارەبا برینداربوو.
فەرمانبەرەكە ناوی ئەسعەد ئەحمەدە و کارمەندی فەرمانگەی کارەبای رواندزە، ئەمڕۆ یەكشەممە لە كاتی كاركردن لەسەر تاوەرێكی کارەبا، تەزووی کارەبا لێیداوە.
بەپێی زانیارییەكان، رووداوەكە لە كاتی چاككردنەوەی كارەبای مزگەوتێكدا روویداوە و ئەسعەد ئەحمەد بەر تەزووی كارەبا كەوتووە، بەو هۆیەوە برینداربووە و رووخسار و هەردوو دەستی سووتاون.
