لە رووداوێكی هاتوچۆدا لە سنووری پارێزگای هەولێر، دوو كەس بە سەختی برینداربوون.
بەڕێوەبەرایەتیی هاتوچۆی هەولێر لەبارەی رووداوەكەوە دەڵێت، کاتژمێر3ی پاش نیوەڕۆی ئەمڕۆ یەكشەممە، لەسەر رێگەی سەرەکیی سپیلک – قەندیل لە نزیک گوندی (کانی چرگان) ئۆتۆمبێلێکی جۆری نیسانی تایبەت، کە لە سۆران بەرەو ئاکرێ دەچوو، بەهۆی تێژڕۆیی کۆنترۆڵی لەدەستدا و دواتر خۆی کێشا بە راگرەکانی تەنیشت رێگەكەدا.
لە راگەیەندراوێكدا هاتوچۆی هەولێر ئاشكرایكردووە، بەهۆی رووداوەكەوە شوفێر و سەرنشینێكی ئۆتۆمبێلەكە بە سەختی برینداربوون، زیانێکی زۆری ماددیش کەوتەوە.
