بەڕێوەبەرایەتیی گشتیی كارەبای سلێمانی رایدەگەیەنێت، لە ئێوارەی ئەمڕۆوە تۆڕی رووناكیی شەقامی سالم بەگەڕخرایەوە.
بەپێی راگەیەندراوێكی بەڕێوەبەرایەتیی گشتیی كارەبای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە،
ئێوارەی ئەمڕۆ هەینی، تۆڕی رووناكیی شەقامی سالم كە لە چوارڕیانی سەرچنار دەستپێدەكات تا پردی ڕەئووف بەگ، سێ بەشە و لەسەر بودجەی داهاتی 8%ی كارەبا بە بڕی زیاتر لە 500 ملیۆن دینار بە سەرپەرشتیی بەڕێوەبەرایەتیی گشتیی كارەبای سلێمانی جێبەجێكراوە و دوو بەشی تەواوبووە، بەتەواوبوونیشی سیمایەكی جوانی بە شەقامەكە بەخشیووە.
لە راگەیەندراوەكەدا هاتووە، بەشی سێیەمیش بریتییە لە دانانی ئینارە بۆ سەر پردەكان و شەقامی شەست مەتری تا وەكو پردی ڕەئووف بەگ كە لە قۆناغی جێبەجێكردندایە.
