بەڕێوەبەرایەتیی پۆلیسی هەڵەبجە رایدەگەیەنێت، گەنجێكی تەمەن 24 ساڵ بە ناوی ژیار حسێن كە دانیشتووی پارێزگای هەڵەبجە بووە لە ئەنجامی دەستكاریكردنی چەكێكی جۆری دەمانچەی توركی برینداربووە و بەهۆی سەختی برینەكەیەوە رەوانەی نەخۆشخانەی فریاكەوتنی سلێمانی كراوە و دواتر گیانیلەدەستداوە.
لە راگەیەندراوەكەدا هاتووە، ئەو گەنجە چایچی بووە و خاوەنی دەمانچەكەش هاوڕێی نزیك ژیاربووە و تەمەنی 22 ساڵ بووە و بەپێ ماددەی 411 لە یاسای سزادانی عێراقی بەندكرا و پەڕاوی لێكۆڵینەوەی لە بنكەی پۆلیسی هەڵەبجە بۆ ڕێكخراوە.
