لە کۆبوونەوەی ئەمڕۆی ئەنجومەنی وەزیرانی عێراق بڕیار لە دامەزراندنی هەمیشەیی مامۆستایانی وانەبێژ و فەرمانبەرانی گرێبەست درا.
نوسینگەی محەمەد شیاع سودانی سەرۆک وەزیرانی عێراق بڵاویکردەوە، “لە کۆبوونەوەی ئەمڕۆ ئەنجوومەنەکە بە زۆرینەی دەنگ دامەزراندنی هەمیشەیی مامۆستایانی وانەبێژ و فەرمانبەرانی گرێبەست لەسەرجەم پارێزگاکانیئ عێراق لەسەر بودجەی 2023 پەسەندکراوە”.
هاوکات هەر لە کۆبوونەوەکەدا فۆڕمی دامەزراندنی خاوەنی بڕوانامە باڵاکان و یەکەمەکانی زانکۆ و پەیمانگەکان پەسەندکراوە، کە ئامانج لێی دامەزراندنیانە بە شێوەیەک کە دادپەروەری تێدابێت.
تا ئێستا حکومەتی عێراق هیچ بڕیارێکی لەبارەی دامەزراندنی دەرچوانی زانکۆ و پەیمانگەکانی هەرێم و مامۆستایانی وانەبێژ و فەرمانبەرانی گرێبەست نەداوە.
