پزیشک و کارمەندانی نەخۆشخانەی هیوا سەرەڕای پشووی فەرمی، ئەمڕۆ لە خزمەتکردن بەردەوام بوون.
بەڕێوەبەرایەتیی گشتیی تەندروستیی سلێمانی بڵاویكردەوە، ئەمڕۆ پزیشک و کارمەندانی نەخۆشخانەی هیوا تایبەت بە تووشبووانی شێرپەنجە لەبەر تایبەتمەندیی نەخۆشەکانیان و پێویستی بەردەوامی چارەسەر بۆیان، سەرەڕای پشووی فەرمی، لە خزمەتکردن بەردەوام بوون.
پێشتر نەخۆشخانەكە بڵاویكردەوە سەرەڕای ئەوە لە رۆژانی 12/25 تا 1/1 پشووی فەرمییە لە دامودەزگاكاندا، بەڵام لەبەر بەرژەوەندیی گشتی و بەرژەوەندیی نەخۆش رۆژانی دووشەممە 12/26 و چوارشەممە 12/28 دەوامی فەرمی دەكەن.
روونیشیكردەوە، وەك هەمیشە بەشی فریاكەوتنی خێرای نەخۆشخانەی هیوا 24 كاتژمێر كراوە دەبێت، لە سەرجەم بەشەكانی دیكەدا پزیشك و كارمەندانی ئێشكگر 24 كاتژمێر لە ئەركی فەرمیدا دەبن.
