لە گوندێکی سنووری شارباژێڕ بەهۆی تەقینەوەی غازەوە ماڵێک رووخا و ژنێک برینداربوو.
بەهۆی دزەکردنی غاز لە ماڵێکی گوندی گەورەدێی سەربە ناحیەی گاپیلۆن لە قەزای شارباژێر ماڵێک تەقییەوە و ژنێک برینداربوو.
ئەو ماڵەی تەقینەوەکە تێیدا روویداوە تەنها ئەو ژنەی تێدا ژیاوە کە ناوی “مرواری عومەر”ە و تەمەنی 45 ساڵە، دوای رووداوەکە رەوانەی نەخۆشخانەی سلێمانی کراوە بەمەبەستی چارەسەرکردنی.
تەقینەوەکە لەکاتێکدا ڕوویداوە کە ژنەکە خەریکی ئامادەکردنی نانی بەیانی بووە و غاز دزەی کردووە و لە ماڵەکەدا بڵاوبووەتەوە.
