ئەم ناوچەیەی لە وێنەكاندا دەركەوتووە تەبوكە لە باكووری سعودیە، 2549 مەتر لە ئاستی رووی دەریاوە بەرزە و یەكێكە لە ناوچە هەرە ساردەكانی سعودیە.
لە ساڵانی رابردوودا زۆربەی وەرزەكانی زستان بە بڕ و رێژەی جۆراوجۆر بەفر لەو ناوچەیەی سعودیە باریوە، ئەمساڵیش بەفر چیا و كێو و دۆڵەكانی ناوچەی “تەبوك”ـی سپیپۆشكردووە و كەشناسیی ئەو وڵاتە دەڵێت، پێشبینیدەكرێت تا كۆتایی ئەم هەفتەیە شەپۆلی سەرما و بەفربارین لە تەبوك بەردەوامبێت.
وەك نەریتێكی ساڵانە، لە كاتی بەفرباریندا سعودییەكان دەچنە چیا و دۆڵەكانی ناوچەی تەبوك و وێنەدەگرن و لەگەڵ ئەوەشدا وێنەی وشتر و خێوەت و ئۆتۆمبێلەكانیان لە كەشی بەفراویدا بڵاودەكەنەوە.
