پۆلیسی سلێمانی دەستگیرکردنی کەسێکی راگەیاند کە لە شاری هەولێر 100 مسقاڵ ئاڵتونی دزیبوو.
بەڕێوەبەرایەتی پۆلیسی سلێمانی ئەمڕۆ شەممە بڵاویکردەوە، ” دوای ئەوەی چەند هاوڵاتییەك سكاڵایان تۆماركرد كە دزییان لێكراوە، پۆلیسی سلێمانی لێكۆڵینەوە و بەدواداچوونەكانیان دەستپێكرد و سەرەنجام توانرا تۆمەتبار بدۆزرێتەوە و دەستگیربكرێت كە لە لەگەڕەكەكانی كوردسات، بەختیاری، ئیبراهیم، شاری هەولێر دزی لەماڵان كردووە”.
ئاماژەی بەوەش کرد، ” لە ئێستادا تۆمەتبار (م ، أ ، ح لەدایكبووی 1999 – دانیشتووی شاری كەركوك ) بە بڕیاری دادوەر و بەپێی ماددەی 443 لە یاسای سزادانی عیراقی راگیراوە و دانی ناوە بەتاوانەكانیدا”.
ئاشکراشی کرد، “تۆمەتبار وتویەتی كە لەشاری هەولێر بڕی 100 مسقاڵ ئاڵتونی دزیوە و لەشاری كەركوك فرۆشتویەتی”.
