بافڵ جەلال تاڵەبانی، سەرۆکی یەکێتیی نیشتمانیی کوردستان گەیشتە بەغداد.
وابڕیارە سەرۆكی یەكێتی لە سەردانەكەیدا چەندین دیداری سیاسی و كۆبوونەوەی گرنگی پەیوەست بە دۆخی هەرێم و عێراق ئەنجامبدات.
دوایین سەردانی بافڵ جەلال تاڵەبانی بۆ بەغداد كۆتایی مانگی رابردوو بوو، كە لەسەر داواكاری و دەستپێشخەریی ئەو، كۆبوونەوەی لوتكەی لایەنەكانی هاوپەیمانیی ئیدارەی دەوڵەت لە ماڵی مام بەڕێوەچوو و تیایدا پڕكردنەوەی پۆستە وەزارییەكانی كورد لە كابینەكەی محەمەد شیاع سودانی-دا بڕیاری لەسەر درا، جگە لە تاوتوێكردنی چەند پرسێكی دیكەی سیاسی و ئیداریی گرنگ.
