یەکێتیی زانایانی ئاینیی ئیسلامیی کوردستان پەیامێکی سوپاس و دەستخۆشیی ئاراستەی بافڵ جەلال تاڵەبانی سەرۆکی یەکێتیی نیشتمانیی کوردستان کردووە سەبارەت بە داخستنی یانە شەوانەکان و بە بڕیاری راستکردنەوەی مێژووی سلێمانی ناوی دەبات.
لە راگەیەندراوەکەی یەکێتیی زانایانی ئاینیدا هاتووە، “سوپاسی بافڵ جەلال تاڵەبانی دەکەین و بڕیارەکەی راستکردنەوەی مێژووی شارە حەیاتەکەیە بۆ رێگا راستەقینەکەی خۆی”.
ئاماژەی بەوەشکردووە، “بڕیارەکەی سەرۆکی یەکێتی بڕیارێکی بوێرانەیە و هیواش دەخوازین، ئەم هەنگاوانە بەردەوامبن بۆ کردنەوەی ئەو شوێنانەی دیکە کە بەهۆی هەندێک دیاردەی دوور لە بەهای ئایینیەوە سیمای شارەکەیان ناشیرین کردووە”.
