وەزارەتی كار و كاروباری كۆمەڵایەتیی عێراق بڵاویكردووەتەوە، لە ئەمڕۆوە دەست بە دابەشكردنی مووچەی مانگی یەكی خانەنشینان و كرێكارانی بیمەكراو دەكرێت.
هەر لەو بارەیەوە خلود حەیران بەڕێوەبەری گشتیی فەرمانگەی خانەنشینان و دەستەبەری كۆمەڵایەتی رایگەیاند، لە ئەمڕۆوە لە بەڕێوەبەرایەتییەكەمان سەرجەم رێكارەكانی پەیوەست بە دابەشكردنی مووچەی خانەنشینان و كرێكارانی بیمەكراو بەر لە كۆتاییهاتنی ساڵی دارایی تەواو كراوە و دەست بە دابەشكردنی دەكرێت و لەگەڵ مووچەكەشدا بڕی 50 هەزار دینار پاداشتیان پێدەدرێت.
هاوكات، هەر ئەمڕۆ میدیاكانی عێراق بڵاویانكردووەتەوە، كە لە هەرێمی كوردستان مووچەی مانگی 11ی سێ سەرۆكایەتییەكەی هەرێم دابەشدەكرێت.
