لە رووداوێكی هاتوچۆدا لە نزیك خەلەكان، دایكێك و دوو منداڵ گیانیانلەدەستدا و منداڵێكیش برینداربوو.
سامان نادر بەڕێوەبەری سەنتەری فریاکەوتنی خێرای سلێمانی بە تۆڕی میدیایی ئێستای راگەیاند، لە رووداوێكی هاتوچۆدا لە كانی مازوو لە نزیك ناحیەی خەلەكان، ژنێك و دوو منداڵ گیانیانلەدەستدا و منداڵێكی دیكەش برینداربوو.
وتیشی، قوربانییەكان دایكێك و منداڵەكانین و بریندارەكە گەیەندراوە بە نەخۆشخانەی شار لە سلێمانی و چارەسەری پزیشكیی بۆ دەكرێت.
لە ماوەی شەو و رۆژێكدا چەندین رووداوی هاتوچۆی دیكە لە سلێمانی، كفری و كەلار روویانداوە و بەهۆیانەوە ژمارەیەك هاوڵاتیی مردوون و برینداربوون.
