لە چەمچەماڵ هەڵمەتی کوتانی ئەو منداڵانەی لە کوتان دواکەوتوون دەستیپێکرد.
ئەمڕۆ چوارشەممە هەڵمەتی کوتان بۆ ئەو منداڵانەی لە خوار تەمەنی پێنج ساڵەوەن و دواکەوتوون لە کوتان و لە کاتی خۆیدا بەهەر هۆکارێک بێت کوتانەکانیان بۆ نەکراوە، لە سنووری چەمچەماڵ دەستیپێکرد، وەك تەندروستی بڵاویكردەوە.
بەشی راگەیاندن و پەیوەندییەکانی بەڕێوەبەرایەتیی تەندروستیی چەمچەماڵ وێنەكانی بڵاوكردەوە و رایگەیاند، تیمەکانیان رۆژانە ماڵ بە ماڵ دەگەڕێن بە مەبەستی كوتانی منداڵان.
بەڕێوەبەرایەتیی تەندروستیی چەمچەماڵ، داوا لە دایكان و باوكان دەكات بەدەم تیمەكانیانەوە بچن و دەڵێت، “تکایە هاوکارییان بکەن هەر منداڵێک کوتانەکانی پێشووی بۆ نەکراوە بێبەشیان مەکەن”.
