قائیمقامیەتی دەربەندیخان بڵاویكردووەتەوە، سبەینێ یەكشەممە بەردی بناغەی پرۆژەی دەربەندیخان – ناوتاق ـ زەڕایەن بە ئامادەبوونی وەزیری ئاوەدانكردنەوە و نیشتەجێكردن دادەنرێت.
بەپێی راگەیەندراوێكی قائیمقامیەتی دەربەندیخان كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەینێ یەكشەممە لە نێوان دەربەندیخان – ناحیەی باوەخۆشێن نزیك گوندی جەمەرگە بە ئامادەبوونی وەزیری ئاوەدانكردنەوە و پارێزگاری سلێمانی و شاندیكی وەزارەتی ئاوەدانكردنەوە و نیشتەجێكردن و قائیمقامی قەزای دەربەندیخان و لێپرسراوانی كارگێریی سنوورەكە، بەردی بناغەی رێگای دەربەندیخان – ناوتاق – زەڕایەن دادەنرێت”.
لە راگەیەندراوەكەدا هاتووە، “تەواوبوونی پڕۆژەكە سوودی دەبێت بۆ كەمكردنەوەی لۆد و قەرەباڵغیی ئۆتۆمبێلی بارهەڵگر و كەمبوونەوەی رووداوەكانی هاتوچۆ لەسەر ڕێگای دەربەندیخان – زەڕایەن”.
