جێگری سەرۆكی رێكخراوی یەكێتیی مامۆستایان كوردستان رایدەگەیەنێت، رەزامەندی تەرخانكردنی زەوی بۆ دروستكردنی یەكەی نیشتەجێبوون بۆ مامۆستایان دراوە و جەختیشدەكاتەوە، یەكەكان بە قیستی درێژخایەن دەدرێتە مامۆستایان و هەوڵدەدرێت لە زووترین كاتدا رێكارە كارگێری و یاساییەكانی بە كۆتابهێندرێت.
عەبدولواحید محەمەد جێگری سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، لە رابردوودا پڕۆژەی نیشتەجێبوون لە هەولێر، سلێمانی و گەرمیان بۆ مامۆستایان دروستكران و بە هەوڵی لقی سلێمانی یەكێتیی مامۆستایان رەزامەندی تەرخانكردنی زەوی لە ناوچەی تاسڵوجە بۆ دروستكردنی ژمارەیەكی دیكە یەكەی نیشتەجێبوون بۆ مامۆستایان دراوە و هەوڵدەدرێت دوای تەواوكردنی رێكارە كارگێری و یاساییەكان بخرێتە قۆناغی جێبەجێكردنەوە.
ئاماژەی بۆ ئەوەش كرد، دروستكردنی یەكەكان بە پێشەكی و بە قیستی درێژخایەن بە مامۆستایان دەدرێت و هەموو هەوڵێك دەدەین لە ساڵی داهاتوو دەست بە جێبەجێكردنی پرۆژە بكرێت.
