دوو مێردمنداڵ كە “تاوانبارکرابوون” بە نواندنی توندوتیژی لە خۆپیشاندانێکی کەلاردا و حوکمی چوار ساڵ زیندانیكردنیان بەسەردا سەپێندرابوو، سزاكەیان هەڵوەشێندرایەوە.
ئەو دوو مێردمنداڵە دانیشتووی قەزای کەلاری ناوەندی ئیدارەی گەرمیانن، دادگا بە “تاوانی” ئەنجامدانی توندوتیژی لە خۆپیشاندانێکی کەلاردا، حوکمی چوار ساڵ زیندانیكردنی بەسەردا سەپاندبوون.
بڕیاری هەڵوەشاندنەوەی سزای سەر دوو مێردمنداڵەكە، لەلایەن دەستەی نەوجەوانانی دادگای پێداچوونەوەی هەرێمی كوردستانەوە دەركراوە و حوکمەکەیانی کەمکردەوە بۆ یەک ساڵ بۆ هەریەکێكیان، ئەو ساڵەش لەژێر چاودێریی خێزانەکانیاندا دەبن.
