بەهۆی نزیکبوونەوە لە کۆتایی ساڵ وەزارەتی دارایی رەزامەندیدانی لەسەر سەرجەم خەرجییەکان راگرت و داوایکرد هیچ نووسراوێکی لەو بارەیەوە ئاراستە نەکرێت.
بەپێی نوسراوێکی وەزارەتی دارایی و ئابووری کە وێنەیەکی دەست تۆڕی میدیایی ئێستا کەوتووە، “بەهۆی نزیکبوونەوەی کۆتایی ساڵ بە مەبەستی دیاریکردنی هەلی گونجاو بۆ یەکم ژمێرەییەکان و بەمەبەستی پاکتاوکردنی ژمێریارییەکان و گەیاندنیان بۆ وەزارەتمان بڕیاردرا بە راگرتنی سیستەمی ئەلیکترۆنی بەڕێوەبردنی دارایی کوردستان و راگرتنی گشت خەرجییەکان”.
هەر لە نووسراوەکەدا هاتووە، “زیادکردنی پێشینەی بەردەوامی مانگانە رادەگیرێت و بەڵام بڕیارەکە تەمویلکردنی پرۆژەکانی وەبەرهێنان و پەرەپێدانی پارێزگاکان ناگرێتەوە”.
ئاشکراشی کردووە، “بڕیارەکە لە 15ی ئەم مانگەوە کاری پێدەکرێت تا کردنەوەی خەرجی ساڵی 2023”.
