سەرۆكی هەرێمی كوردستان پێشوازی لە سەرۆكی هەنگاریا كرد لەو سەردانەیدا بۆ هەرێم كە بڕیارە دوو ڕۆژ بخایەنێت.
نيوهڕۆى ئهمڕۆ نێچيرڤان بارزانى، سهرۆكى ههرێمى كوردستان له فڕۆكهخانهى نێودهوڵهتيى ههولێر پێشوازى له کاتالین نۆڤاک سهرۆكى ههنگاريا كرد كه به سهردانێكى فهرمى گەیشتووەتە عێراق و ههرێمى كوردستان.
بڕیارە نۆڤاک هێزهكانى وڵاتهكهى له چوارچێوهى هاوپهيمانيى نێودهوڵهتيى دژى داعشدا بهسهربكاتهوه.
سەرۆكایەتیی هەرێم بڵاویكردەوە، دواى بهسهركردنهوهى هێزهكانى وڵاتهكهى و ئەو پڕۆژە مرۆییانهى کە بە سەرپەرشتیی بەرنامەی هاریکاريی هەنگاری لە عێراق و هەرێـمی کوردستان جێبەجێ کراون، بڕياره ئێوارهى ئهمڕۆ نێچيرڤان بارزانى لهگهڵ کاتالین نۆڤاک سهرۆكى ههنگاريا كۆببنهوه و پهيوهندييهكانى عێراق و ههرێمى كوردستان لهگهڵ ههنگاريا، هاريكاريى هاوبهش و دۆخى عێراق و ناوچهكه بهگشتى تاوتوێ بكهن.
سەردانەكەی سەرۆكی هەنگاریا بۆ هەرێم دوو رۆژ دەخایەنێت، بڕیارە سبەینێش چەند سەردان و كۆبوونەوەیەك لەخۆبگرێت.
بەیانی ئەمڕۆ كاتالین نۆڤاك بەسەردانێك گەیشتە بەغداد و لەگەڵ لەتیف رەشید سەرۆك كۆماری عێراقدا كۆبووەوە و دواتر بەرەو هەرێمی كوردستان بەڕێكەوت.
