وەزیری كشتوكاڵی هەرێم بڵاویكردووەتەوە، لە كۆبوونەوەیەكدا سوودەكانی بەكارهێنان و ڕواندنی بەرهەمە ئۆرگانییەكانمان تاوتوێكرد كە بەپێی توێژینەوەكان تا وەكو ساڵی 2030 جیهان بە گشتی لە 30%ی بەرهەمە ئۆرگانییەكان بەكاردەهێنن لە پێناو تەندروستی و دووركەوتنەوە لە نەخۆشییەكان.
بێگەرد تاڵەبانی وەزیری كشتوكاڵی هەرێم بڵاویكردووەتەوە، “ئەمڕۆ سێشەممە لەگەڵ نوێنەری كۆمپانیای(bio’WOOW) ئۆرگانی، لە دیوانی وەزارەت كۆبووینەوە كە كۆمپانیاكە خاوەنی بڕوانامەی(bio’WOOW) و یەكێكە لە كۆمپانیا جیهانییەكان لە بواری بەرهەمهێنانی رووەكی ئۆرگانی لە وڵاتانی یەكێتیی ئەوروپا، ئەمریكا و توركیا كاری بەرهەمهێنانی بەروبوومی كشتوكاڵی بە شێوەی ئۆرگانی و تەندروست ئەنجامدەدەن و لەپێناو پارێزگاری لە تەندروستیی مرۆڤ و دووركەوتنەوە لە بەكارهێنانی پەینە كیمیاییەكان و ماددە قڕكەرەكاندا”.
راشیگەیاند، “لە كۆبوونەوەكەماندا باسمان لە سوودەكانی بەكارهێنان و ڕواندنی بەرهەمە ئۆرگانییەكان كرد كە لە داهاتوودا بەپێی توێژینەوەكان تا ساڵی 2030 جیهان بە گشتی لە 30% بەرهەمە ئۆرگانیەكان بەكاردەهێنن لە پێناو تەندروستی و دووركەوتنەوە لە نەخۆشییەكان”.
