بەپێی ئەو زانیارییانەی بە تۆڕی میدیایی ئێستا دراون، سبەینێ مووچەی مانگی 11ی لیوا هاوبەشەكان دەدرێت و هیچ بڕیارێك نییە مووچەی مانگی 12ی ئەمساڵ پاشەكەوت بكرێت و لە كانوونی دووەمی ساڵی داهاتوودا مووچەی مانگی 12 دەدرێت.
لە زانیارییەكاندا هاتووە، مووچەی لیوا هاوبەشەكان لەلایەن هاوپەیمانانەوە پارەی بۆ تەرخاندەكرێت بانكەكان ئاگاداركراونەتەوە سبەینێ پێنجشەممە مووچەی لیوا هاوبەشەكان دەدرێت.
ئاماژە بۆ ئەوەش كراوە، مووچەی مانگی 12ی ئەمساڵی فەرمانبەران نافەوتێت، بەڵكو دابەشكردنی مووچەی مانگی 12 لە مانگی كانوونی دووەمی ساڵی داهاتوو دەدرێت و هیچ بڕیارێك نییە كە مووچەی ئەمساڵی فەرمانبەران پاشەكەوت بكرێت.
