بەڕێوەبەری پەروەردەی سلێمانی لەبارەی بایکۆتی تاقیکردنەوەکان لە لایەن مامۆستایانی وانەبێژ هاتەدەنگ

بەڕێوەبەریی گشتی پەروەردەی سلێمانی رایگەیاند، لەو خوێندنگانەی مامۆستایانی وانەبێژ بایکۆتی تاقیکردنەوەکان دەکەن، لە رێگەی لیژنەوە پرسیارەکان دادەنرێن.

دڵشاد عومەر بەڕێوەبەری گشتیی پەروەردەی سلێمانی لە کۆنگرەیەکی رۆژنامەوانی رایگەیاند، “ئێمە لە سەرەتای دەستپێکی ساڵی نوێی خوێندن داوامانکردووە، مامۆستایانی وانەبێژ بکرێنە گرێبەست یان هەمیشەیی، ئەوان یەکێکن لە کۆڵەکە سەرەکییەکانی بەردەوامی پرۆسەی پەروەردە لە هەرێمی کوردستان”.

ئاماژەی بەوەش کرد، “دڵنیایی وانەبێژان دەکەینەوە، پشتیوانیانین، دۆسیەکانیان چووەتە ئەنجومەنی راژە، خاڵبەندیان بۆ کراوە، ئێمە وەک مامۆستای هەمیشەیی مامەڵەیان لەگەڵ دەکەین،  داواش دەکەین حکومەتی هەرێمیش بە پێی ئەو بودجەیەی لەبەردەستیایەتی قۆناغ بە قۆناغ ئاوڕیان لێبداتەوە”.

باسی لەوەش کرد، “لەگەڵ بایکۆتی تاقیکردنەوەکانی کۆتایی وەرزی یەکەم نیم لەلایەن مامۆستایانی وانەبێژ، ئێستا کاتەکەی ناسکە، بەڵام گەر شتی وا رووبدات ئێمە بە مامۆستا میلاکەکان چارەسەری دەکەین و پرسیاری تاقیکردنەوەکان لە رێگەی لیژنەوە دادەنێین و ئەو کێشەیە چارەسەر دەکەین”.

ئەم وتانەی بەڕێوەبەری پەروەردەی سلێمانی لە کاتێکدایە، ئەمڕۆ لە زۆرینەی شار و شارۆچکەکانی هەرێم، مامۆستایانی وانەبێژ دژی دانەمەزراندنیان گردبوونەوەی ناڕەزایەتییان ئەنجامدا.

بابەتی پێشتر

بۆ پیاوان: بەم سیستەمە خۆراکییە خۆت لە شێرپەنجە بپارێزە

بابەتی دواتر

كوڕێك دەستگیركرا هەڕەشەی بڵاوكردنەوەی وێنەی لە كچ كردووە

بابەتی پەیوەندیدار
زیاتر ببینە

بەهای دۆلار بەرزبووەوە

ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار بەرزبووەوە و 100 دۆلار بە…
Total
0
Share