دوای ئەوەی نیوەڕۆی ئەمڕۆ خۆپیشاندان لە قەزای سەیدسادق دەستیپێکرد، خۆپیشاندەران چونە سەر بارەگەی حزبەکان و بارەگای ناوچەی پارتی و مەڵبەندی دووی شارەزوری کۆمەڵ و بارەگای یەکگرتوویان سوتاندووە.
دیاری ڕەفیق، قائیمقامی سەیدسادق بە تۆڕی میدیایی ئێستای ڕاگەیاند، لە خۆپیشاندانەکەدا دوو خۆپیشاندەر بە فیشەک برینداربوون”.
وتیشی، “یەکێک لە خۆپیشاندانەکەدا گەنجێکی تەمەن 16 ساڵ و گەنجێکی دیکەی 25 ساڵ بە فیشەک برینداربوون و گەیەنراونەتە نەخۆشانە”.
قائیقامی سەیدسادق بۆ تۆڕی میدیایی ئێستا ئاشکرایکرد، “لەناو خۆپیشاندەران و لەبەرامبەریش تەقەکراوە و تا ئێستا دوو کەس برینداربوون کە خۆپیشاندەربوون”.
سامان نادر، بەڕێوبەری فریاکەوتنی خێرای سلێمانی بە تۆڕی میدیایی ئێستای ڕاگەیاند، “یەکێک لە بریندارەکانی خۆپیشاندانەکەی سەیدسادق ڕەوانەی سلێمانی کراوە و فیشەکێک بەر جەستەی کەوتووە”.
