لە پڕۆژەیاسای بودجەی گشتیی عێراقدا، پارە بۆ دەستپێكردنەوەی دامەزراندنی فەرمانبەران تەرخاندەكرێت و وادەكەی ئاشكراكرا.
بەپێی رەشنووسی پڕۆژەیاسای بودجەی ساڵی 2023ی عێراق، دامەزراندن دەستپێدەكاتەوە و فەرمانبەرانی گرێبەست دەكرێن بە هەمیشەیی، بەڵام تا ئێستا ژمارەی پلە وەزیفییەكان دیارینەكراوە.
هەیسەم زەهوان ئەندامی لیژنەی دارایی لە ئەنجومەنی نوێنەران دەڵێت، بودجەی گشتیی ساڵی داهاتوو دەگاتە 150 تریلیۆن دینار و پارە بۆ پەرەپێدانی كەرتی كارەبا تەرخاندەكرێت، بە جۆرێك كە پلان هەیە كارەبای بەرهەمهێنراو بۆ 30 هەزار مێگاواتی رۆژانە زیادبكرێت و پڕۆژەی ستراتیژی و خزمەتگوزاری جێبەجێبكرێن و دامەزراندن دەستپێدەكرێتەوە.
