وەزارەتی کارەبا: نابێت هیچ کەس و شوێنێک کارەبای بەردەوامی هەبێت

وەزارەتی کارەبای حکومەتی هەرێمی کوردستان رایگەیاند، هیچ شوێن و هاوبەشێک نابێت کارەبای هەمیشەیی هەبێت و بەهیچ شێوەیەک سەرچاوەی دووەمی کارەبا بە هیچ شوێنێک نادرێت.

لە راگەیەندراوێکدا وەزارەتی کارەبا بڵاویکردەوە، لە پێناو پاراستنی وزەی کارەبا و زیادبوونی پێدانی ماوەکانی کارەبا بۆ هاوبەشان بە شێوەیەکی دادپەروەرانە، چەند بڕیارێکیان دەرکردووە، گرنگترینیان پێنەدانی سەرچاوەی دووەمی کارەبایە بە هیچ کەس و شوێنێک.

وەزارەتی کارەبا راشیگەیاندووە، لە ڕێگەی لیژنەیەکی تایبەتەوە بەدواداچوون و پێداچوونەوە بە هەموو ئەو شوێنانەشدا دەكەن كە دوو سەرچاوەی كارەبا یان کارەبای بەردەوامیان هەیە و ڕێکاریان بەرامبەر دەگرنەبەر.

بڕیارەکانی وەزارەتی کارەبا:

یەکەم: بە هیچ شێوەیەك نووسراوی پێدانی سەرچاوەی دووەمی كارەبا بۆ یەك شوێن نابێت هەبێت، بەڵکو دەبێت هەموو هاوبەشانی کارەبا یەک کارەبای نیشتیمانیان هەبێت.

دووەم: پێدانی كارەبای بەردەوام نابێت بۆ هیچ شوێن و هاوبەشێک هەبێت و دەبێت هەموولایەک یەک بڕ کارەبای پێبدرێت.

بابەتی پێشتر

چەتری کۆکەرەوەی لایەنە سیاسییەکان

بابەتی دواتر

کەشناسی: زۆرترین باران لە 24 کاتژمێری ڕابردوودا لە هیران بووە و بارانبارینیش بەردەوامدەبێت

بابەتی پەیوەندیدار
زیاتر ببینە

ڕۆژێكی ئەم هەفتەیە پشووە

چوارشەممەی ئەم هەفتەیە بەبۆنەی سەری ساڵی ئێزدییەكان پشووی فەرمی دەبێت لەسەرجەم دەزگا و دامەزراوەكانی هەرێمی كوردستاندا. بەپێی ڕۆژژمێری…
Total
0
Share