سكرتێری پارتی كرێكاران و ڕەنجدەرانی كوردستان رایدەگەیەنێت، لە كۆبوونەوەی لوتكەی لایەنە سیاسییەكان جەخت لە كاركردنی پێكەوەیی و پاراستنی قەوارەی هەرێمی كوردستان كرایەوە و دەشڵێت، ” لە كۆبوونەوەكەدا بافڵ جەلال تاڵەبانی جەختی لە باشتركردنی بژێویی هاوڵاتییان كردووەتەوە”.
باپیر كا مەلا سكرتێری پارتی كرێكاران و ڕەنجدەرانی كوردستان لە لێدوانێكدا بە تۆڕی میدیایی ئێستای راگەیاند، لە كۆبوونەوەی ڕۆژی پێنجشەممەی لوتكەی لایەنە سیاسییەكان كە لە هاوینەهەواری دوكان ئەنجامدرا جەخت لە كاركردنی پێكەوەیی و پاراستنی قەوارەی هەرێمی كوردستان كرایەوە.
ئاماژەی بۆ ئەوەش كرد، “بافڵ جەلال تاڵەبانی جەختی لە باشتركردنی بژێویی هاوڵاتییان كردەوە و ئەركی هەموو لایەكمانە كە كار بۆ باشتركردنی بژێویی هاوڵاتییان لەم قۆناغەی ئێستادا بكەین”.
