وەزارەتی تەندروستیی هەرێم رایدەگەیەنێت، لە هەولێر تیمەكانی فریاگوزاریی خێرا و تیمەكانی ئەمبوڵانس خرانە حاڵەتی ئامادەباشییەوە بۆ بەرگرتن لە هەر حاڵەتێكی نەخوازراو و ئەگەری دروستبوونی لافاو.
بەپێی راگەیەندراوێكی وەزارەتی تەندروستیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر ڕاسپاردەی وەزیری تەندروستیی هەرێم تیمەكانی فریاگوزاریی خێرا 122 و تیمەكانی ئەمبوڵانس و پزیشكی فریاكەوتن لە ئامادەباشی بۆ بەرگرتن ئەگەری ڕوودانی لافاو و بە هاناوەچوونی هاوڵاتیيان.
