بهیانیی ئهمڕۆ چوارشەممە، بههۆى لێچوونى غازهوه ئاگر لە ماڵێكدا کەوتەوە و دوو كەس برینداربوون.
ئاگرەكە لە ماڵێكی كۆمەڵگەی مسێرێكێی سەر بە قەزای سێمێل لە سنووری پارێزگای دهۆك كەوتووەتەوە، ژن و پیاوێک سووتاون و دواتر تیمەکانی بهرگریی شارستانی ئاگرەکەیان كۆنترۆڵکردووە.
بەپێی زانیارییەکان، دوو بریندارەکە گهیەندراونهته نهخۆشخانه و له ژێر چاودێریی پزیشكیدان.
لە ماوەی سێ رۆژدا ئەمە دووەم رووداوی ئاگرکەوتنەوەیە بەهۆی غازەوە لە پارێزگای دهۆک رووبدات، پێشتر سەمونخانەیەک بەهۆی تەقینەوەی تانكیی غازەوە سووتا و شەش هاوڵاتی گیانیان لەدەستدا و 31ی تر برینداربوون.
