كۆشكی سپی ئەمریكا رایدەگەیەنێت، پشكنینی پزیشكیی ساڵانە بۆ جۆ بایدن دەكرێت و لەكاتێكی دواتردا ئەنجامەكەی رادەگەیەندرێت.
كارین جان بییر، وتەبێژ بەناوی كۆشكی سپی رایگەیاند، دۆخی تەندروستیی جۆ بایدن سەرۆكی ئەمریكا مایەی نیگەرانی نییە، تەندروستی باشە و چێژ لە چالاكییەكانی وەردەگرێت.
وتیشی، “پزیشكی چارەسەركار لەبارەی دۆخی تەندروستییەوە ئاگاداری كردووینەتەوە و لە ماوەی چەند مانگێكدا هەڵسەنگاندنی بۆ دەكرێت، ئەنجامەكەشی وەك ئەوەی ساڵی رابردوو ئاشكرادەكرێت”.
بەپێی وتەی وتەبێژەكە، راپۆرتی پزیشكان لە ماوەی دوو مانگی داهاتوودا پێشكەش دەكرێت و كاتێكی دیاریكراوی نییە.
پێشتر بایدن بەڵێنی “هەڵهاتن”ی دا لەگەڵ هاوسەرەكەی بە درێژایی هەفتەیەك لەنێوان جەژنی سوپاسگوزاری و جەژنی لەدایكبوونی مەسیح، وەك ئاماژەیەك بۆ وەرگرتنی پشوو و بەسەربردنی كاتە تایبەت و خێزانییەكانی.
