بەڕێوەبەرایەتیی تەندروستی چەمچەماڵ بڵاویکردەوە، دەستبەسەر 300 کیلۆ نانەقەیسیدا گیراوە کە بە شێوە قاچاغ لە ئێرانەوە داخڵی هەرێم کراوە.
بەڕێوەبەرایەتیی تەندروستی چەمچەماڵ، ئەمڕۆ دووشەممە بڵاویکردووەتەوە، “دوای ئاگادارکردنەوەی لیژنە هاوبەشەکانی قائیمقامیەت و چاودێری تەندروستی لەلایەن بەشی ئابووری بەڕێوەبەرایەتیی ئاسایشی رۆژائاوای سلێمانیەوە لە بوونی 300 کیلۆ شیرینی لە جۆری نانەقەیسی بارەکە دەستیبەسەرداگیرا”.
ئاماژەی بەوەش کردووە، “لەبەرئەوەی بە رێگای قاچاخ و بەشێوەی نا تەندروست هاوردەکراوە، دەستبەجێ هەر ئەمڕۆ لیژنە هاوبەشەکان هەستان بە لەناوبردنی بارەکە”.
