لە ڕاگەیەندراوێكدا لیژنەی باڵای ئەمنیی هەرێم ڕایگەیاندووە، پاراستنی دامودەزگا حكوميیەكان و بارەگا حزبیيەكان لە ئەركه فەرميیەكانی هيزه ئەمنیيەكانه و بۆ ئەم مەبەستەش “دەستكراوه كراون”.
خۆپیشاندانە بێ مۆڵەتەكەی ئەمڕۆی شارۆچكەی پیرەمەگرون پشێوی و توندوتیژی لێكەوتەوە، بەداخەوە لەناو خۆپیشاندەرەكانەوە تەقە بە ئاڕاستەی هێزەكانی پۆلیسی چالاكییە مەدەنییەكان كرا و لە ئەنجامدا ئەفسەرێك بە پلەی نەقیب به فيشەك برینداركرا و لە مەرگ گەڕایەوە”.
لیژنەكە ئەوەشی خستوەتەڕوو، “لێرەوە داوا لە هەموو لایەك دەكەین هێمنی و ئارامی بپارێزن، چونكە نەریتی سوتاندنی بارەگا حیزبییەكان و دامودەزگاكانی حكومەت مافەڕەواكانی كۆمەڵانی خەڵك دەستەبەرناكات” .
لە كۆتایی ڕاگەیەندراوەكەدا لیژنەی باڵای ئەمنیی هەرێم ئەوەشی ڕاگەیاندووە، “هێزە ئەمنییەكان بەهیچ شێوەیەك ڕێگە نادەن ئارامی و جوڵەی كاسبی و ژیانی خەڵك تێك بدرێت و پاراستنی دامودەزگا حكوميیەكان و بارەگا حزبیيەكان لە ئەركه فەرميیەكانی هيزه ئەمنیيەكانه و بۆ ئەم مەبەستەش، دەستكراوه كراون بەشێوازێكی ياسايی به ئەركی خۆيان هەڵبستن”.
