لە رێگەی بەغدادەوە كار بۆ گەڕاندنەوەی روفاتی ئەنفالكراوان و ئەنجامدانی پشكنینی دی ئێن ئەی بۆ كەسوكاریان دەكرێت.
ئەمڕۆ یەكشەممە شاندێكی فراکسیۆنی یەکێتی لە بەغداد، سەردانی دامەزراوەی شەھیدانی کرد بە مەبەستی بەدواداچوون بۆ کەیسی روفاتی ئەنفالکراوان.
لەو بارەیەوە مەلا كەریم ئەندامی فراکسیۆنی یەکێتیی نیشتمانیی كوردستان لە ئەنجومەنی نوێنەران بە ئێستای راگەیاند، ئامانج لە سەردانەكەیان گفتوگۆكردن بووە لەگەڵ دامەزراوەی شەھیدان لەبارەی بەدواداچوون بۆ کەیسی روفاتی ئەنفالکراوان و هێنانەوەیان بۆ كوردستان.
وتیشی، هەوڵەكانیان بۆ ئەوەن پشكنینی (DNA) بۆ روفاتەکان و كەسوكاریان بكرێت و بە وەرگرتنی سامپڵ کەسوکاری قوربانییەکان بدۆزرێنەوە.
